click here for more news about Trivikram Srinivas
Reporter: Divya Vani | localandhra.news
Trivikram Srinivas తెలుగు సినీ ప్రేక్షకులకు తెలిసిన విషయమే – త్రివిక్రమ్ శ్రీనివాస్ మాటల మాయాజాలం గురించి. ఆయన సినిమాల్లో పాటలు, సంభాషణలు ఎంత గొప్పగా ఉంటాయో ప్రత్యేకంగా చెప్పాల్సిన పనిలేదు. అయితే, త్రివిక్రమ్‌కు ఈ పాటలపై ఉన్న ప్రేమకు ఒక అసలు కారణం ఉంది – అదే సిరివెన్నెల సీతారామశాస్త్రి.త్రివిక్రమ్ ఇటీవల ఒక ఇంటర్వ్యూలో సిరివెన్నెల గురించి గుర్తుచేసుకుంటూ అనేక ఆసక్తికర విషయాలు పంచుకున్నారు. ఒకప్పుడు సినిమాల్లో పాటలంటే తనకు పెద్దగా ఆసక్తి లేదంటారు త్రివిక్రమ్. కానీ అదే సమయంలో ఆయన జీవితాన్ని మార్చేసిన ఒక పాట విన్నాడట – ‘విధాత తలపున’. ఆ పాట విన్న తర్వాత తాను ఎంత ఆశ్చర్యపోయానో, అప్పటివరకు ఎప్పుడూ ఆలోచించని స్థాయిలో ఆ పదాలు తనను ప్రభావితం చేశాయంటారు.ఈ పాటలోని పదాల అర్థం తెలుసుకోవాలని తపనతో డిక్షనరీ కూడా తిరగేశాడట త్రివిక్రమ్.
“అప్పుడే నాకు తెలుగులో కూడా డిక్షనరీ ఉంటుందని తెలిసింది,” అంటారు నవ్వుతూ.పాటలోని ప్రతి పదం అర్థం చేసుకునే ప్రయత్నం తనలో కొత్త కోణాన్ని తెచ్చిందని చెప్పుకొచ్చారు.అయితే, ఆ పాట తర్వాత సిరివెన్నెల రాసిన కొన్ని పాటలు తనకు అంతగా నచ్చలేదంటారు త్రివిక్రమ్. “అవేమీ చెత్త అనడం కాదు, కానీ ‘విధాత తలపున’ పాటే నాకు ఎప్పటికీ ప్రత్యేకం,” అని స్పష్టం చేశారు. ఆ పాటలో చూపిన భావాల లోతు, పదాల గొప్పతనం ఆయనపై బలమైన ముద్ర వేసిందని చెప్పిన త్రివిక్రమ్, సిరివెన్నెల తన రచనల్లో తర్వాత కాలంలో అందరికీ అర్థమయ్యేలా తేలికపాటి పదాలు వాడటం ప్రారంభించారని తెలిపారు.ఇక తన సినిమాల్లో సిరివెన్నెల పని చేసిన తీరు గురించి చెబుతూ, జల్సా సినిమాలోని “ఛలోరే ఛలోరే” పాటకు ఏకంగా 30 వెర్షన్లు రాశారట. ఆ 30లో త్రివిక్రమ్ మళ్లీ ఇద్దరి కష్టాల్ని బట్టి కేవలం రెండు వెర్షన్లు మాత్రమే తీసుకున్నట్లు తెలిపారు.
సిరివెన్నెల ఎప్పుడూ పాటను ఒక కళాఖండంగా చూసేవారు. ప్రేక్షకుడికి తక్కువలో ఎక్కువ చెప్పాలనే ఆలోచనతో పాటలు రాసేవారు. అదే ఆయన గొప్పతనం అని త్రివిక్రమ్ గర్వంగా చెబుతున్నారు. ఆయన ప్రతి పాటకూ ఓ ప్రాణం పెట్టేవారు. “ఒక పాట ప్రజల మనసుల్ని తాకాలంటే, భావం ముందు ఉండాలి – అదే సిరివెన్నెల బాట,” అంటూ త్రివిక్రమ్ తన అనుబంధాన్ని తీయగా గుర్తు చేసుకున్నారు.సిరివెన్నెల తన కవిత్వంతో ఎన్నో హృదయాలను తాకారు. ఆయన ప్రభావం త్రివిక్రమ్‌లాంటి దర్శకులపై కూడా ఎంతగా ఉందో ఈ మాటలే చెబుతున్నాయి. ఆయన లేని లోటు ఎప్పటికీ తీరదు. కానీ, ఆయన పాటలు మాత్రం కాలగమనంలో నిలిచిపోతాయి.
