click here for more news about Apple
Reporter: Divya Vani | localandhra.news
Apple అభిమానులకు ఇది ఓ మంచి వార్తే. ఐఫోన్, మాక్‌బుక్,(Apple) వాట్‌చ్ వంటి హైఎండ్ గ్యాడ్జెట్ల తయారీదారు యాపిల్ భారత మార్కెట్‌పై దృష్టిసారిస్తోంది. ఇప్పటికే ముంబయి, ఢిల్లీ నగరాల్లో రెండు స్టోర్లు ప్రారంభించిన యాపిల్, ఇప్పుడు తన మూడో స్టోర్‌ను తెరించేందుకు సిద్ధమవుతోంది.ఈసారి యాపిల్ ఎంచుకున్న నగరం బెంగళూరు. దేశంలో టెక్నాలజీ హబ్‌గా పేరొందిన బెంగళూరులో కొత్త యాపిల్ స్టోర్ త్వరలోనే ఓపెన్ కానుంది.ఈ కొత్త స్టోర్‌ను బెంగళూరులోని హెబ్బాల్ ప్రాంతంలోని ఫీనిక్స్ మాల్‌లో ఏర్పాటు చేస్తున్నారు.
మాల్ మొదటి అంతస్తులో 8,000 చదరపు అడుగుల విస్తీర్ణంలో స్టోర్ రూపొందిస్తున్నారు.ఈ స్థలాన్ని యాపిల్ 10 ఏళ్ల పాటు లీజుకి తీసుకున్నట్లు సమాచారం.ఇది భారత్‌లో యాపిల్ వేసే మరో భారీ అడుగు.వచ్చే కొన్ని నెలల్లో ఈ స్టోర్ అధికారికంగా తెరుచుకోనుంది.ఇప్పటికే ఢిల్లీలో యాపిల్ సాకెట్ @ సకేత్, ముంబయిలో బాంద్రా కుర్లా కాంప్లెక్స్‌లోని బ్యూటిఫుల్ స్టోర్లకు వినియోగదారుల నుంచి అద్భుత స్పందన వచ్చింది.సరిగ్గా అదే ఉత్సాహాన్ని ఈ బెంగళూరు స్టోర్ నుంచీ ఆశిస్తోంది కంపెనీ.వినియోగదారులకు ప్రత్యక్షంగా బ్రాండ్ అనుభవాన్ని కలిగించే విధంగా ఈ స్టోర్లు తయారు చేయబడుతున్నాయి.యాపిల్ స్టోర్లలో కేవలం అమ్మకాలు మాత్రమే జరగవు. అక్కడ ప్రొడక్ట్ డెమోలు, టెక్నికల్ సపోర్ట్, వర్క్‌షాప్‌లు కూడా నిర్వహిస్తారు. ‘‘టుడే అట్ యాపిల్’’ పేరిట క్రియేటివ్ సెషన్లు కూడా జరుగుతుంటాయి. బెంగళూరులోని కొత్త స్టోరులోనూ ఇదే విధంగా ప్రత్యేకమైన సేవలు అందుబాటులో ఉండనున్నాయి.యాపిల్ సీఈఓ టిమ్ కుక్ ఇటీవలి ప్రకటనల్లో, భారతదేశం తమ వ్యూహాల్లో కీలకమైన దేశంగా మారిందని చెప్పారు.
‘‘భారత మార్కెట్ వృద్ధి పథంలో ఉంది.ఇక్కడ వినియోగదారుల సంఖ్య వేగంగా పెరుగుతోంది’’ అని వ్యాఖ్యానించారు.అలాగే, యాపిల్ భారత్‌లో ఇంకా నాలుగు స్టోర్లు ప్రారంభించాలనే ఆలోచనలో ఉందని ఆయన తెలిపారు.యాపిల్ భారతదేశాన్ని కేవలం అమ్మకాలు జరిపే మార్కెట్‌గా మాత్రమే చూడడం లేదు. ఇప్పటికే కొన్ని ఐఫోన్ మోడళ్లను భారత్‌లోనే ఉత్పత్తి చేస్తోంది. ఫాక్స్‌కాన్, విస్ట్రాన్, పెగాట్రాన్ లాంటి సంస్థల ద్వారా యాపిల్ మాన్యుఫాక్చరింగ్‌ను విస్తరిస్తోంది.ఇదే విధంగా, ఫ్యూచర్‌లో మరిన్ని డివైసులు ఇక్కడ తయారీకి రావచ్చు.ప్రభుత్వం మద్దతుతో యాపిల్ ‘మేక్ ఇన్ ఇండియా’ పథకాన్ని సమర్థవంతంగా వినియోగిస్తోంది. భారతదేశంలో తయారీ పెరగడం వల్ల ధరలు కూడా తగ్గే అవకాశముంది.
వినియోగదారులకు ఇది మంచి అవకాశంగా మారుతుంది.సొంతంగా రిటైల్ స్టోర్లు కలిగి ఉండటం ద్వారా యాపిల్ వినియోగదారులతో ప్రత్యక్షంగా మమేకమవుతుంది. ఆన్‌లైన్‌కి భిన్నంగా, స్టోర్‌లో వ్యక్తిగత అనుభవం కలుగుతుంది. టెక్ లవర్స్, యాపిల్ ఫ్యాన్స్‌కి ఇది ఒక ఫెస్ట్‌లాంటి అనుభూతి.టెక్ నగరంగా పేరున్న బెంగళూరులో, ఈ కొత్త స్టోర్‌కు భారీ రెస్పాన్స్ వస్తుందని అంచనా. ఇంజినీర్లు, డిజైనర్లు, స్టూడెంట్లు పెద్ద సంఖ్యలో ఉండే నగరమిది.
ఐఫోన్‌లు, మాక్‌లను ఎక్కువగా ఉపయోగించేవారికి ఇది మంచి అవకాశం.ఈ స్టోర్ ప్రారంభంతో పాటు పలు ఉద్యోగ అవకాశాలు కూడా అందుబాటులోకి వస్తాయి. టెక్నికల్ సపోర్ట్, కస్టమర్ సర్వీస్, స్టోర్ మేనేజ్‌మెంట్ వంటి విభాగాల్లో ఉద్యోగాల సంఖ్య పెరుగుతుంది. ఇది స్థానిక ఆర్థికానికి బలాన్ని ఇస్తుంది.ప్రపంచ వ్యాప్తంగా యాపిల్‌కి అమెరికా తర్వాత భారత్‌నే పెద్ద మార్కెట్‌గా భావిస్తున్నారు. వినియోగదారుల సంఖ్య పెరుగుతుండటమే ఇందుకు కారణం. మధ్యతరగతి ప్రజల దృష్టిలో ఇప్పుడు ఐఫోన్ ఒక ప్రెస్టేజ్ సింబల్‌గా మారింది.టిమ్ కుక్ ఇప్పటికే అన్నట్లు, భారత్‌లో మరిన్ని స్టోర్లు తెరవాలన్న ఆలోచన ఉంది. కోల్కతా, హైదరాబాద్, చెన్నై, అహ్మదాబాద్ వంటి నగరాల్లో రాబోయే రోజుల్లో కొత్త యాపిల్ స్టోర్లు రావొచ్చు.
